Қазақстан Республикасының Ауыл шаруашылығы министрі Айдарбек Сапаров Ақтөбедегі KazFelTec зауытының құрылыс алаңында болды. Жоба - елдегі тоқыма емес материалдарды өндіретін алғашқы кәсіпорын, оның негізгі бағыты табиғи қой жүні негізінде жылу және дыбыс оқшаулау өнімдерін шығару.
Сапар барысында министрге құрылыс кезеңдері, өндірістік тұжырымдама мен Cormatex Airlay технологиясы таныстырылды, оның Қазақстандағы эксклюзивті серіктесі - KazFelTec компаниясы. Жоба жоғары әлеуметтік-экономикалық маңызға ие: жұмыс орындарын ашуға, жергілікті шикізатты қайта өңдеуге ықпал етеді және саланы дамыту мүмкіндіктерін кеңейтеді.
Компания жергілікті шикізатпен тұрақты қамтамасыз ету моделін қалыптастыра отырып, фермерлік шаруашылықтармен кооперацияны одан әрі дамытуды жоспарлап отыр.
